Protein, vitamin, fosforus tatha Iron tatv se bharapur matar bharat me sardiyon ke mausam me ugayi jane vali fasal hai. bhartiya kitchen me isaka vishesh sthan hai. matar se bani matar paneer aur soup bhartiyo ko bahut hi pasand hai. yah na keval apake bad cholesterol ko kam karta hai balki yah calcium ka bhi srot hai. jin logon ko blood sugar hai unhen niyamit rup se matar khana chahiye.
Matar ke ayurvedic gharelu fayde
- Sharirik rup se nirbal stri-purushon ko ankurit matar ka sevan karna chahiye. isake sevan se adhik shakti ka vikas hota hai.
- Winter season me thandi hava aur thande pani ke karan hath aur pair ki ungliyan suj jati hain isake liye aap matar ko pani me ubalkar, us pani ko chhankar usmen hathon ko kuchh der dalkar rakhen, sujan jald nasht hoti hai.
- Anemia rogiyon ke liye matar ka soup bahut labh deta hai. svad ke liye nimbu ka ras milane se adhik labh hota hai.
Kulthi ki daal ke fayde
- Matar ke chilake ko rat ko pani me dalkar rakhen. subah unhen achchhi tarah masalkar nichod len. is pani ko balon ki jadon me ungliyon se malane aur fir balon ko dhone se bal teji se badhate aur ghane hote hai.
- Matar ko bhunkar, kut-pisakar fir use narangi ke chhilkon ke sath piskar, dudh me milakar chehare aur hath panv par malne se saundarya akarshan vikasit hota hai.
- Ankh ki jyoti tej ho isake liye matar ki faliyon aur palak ka ras ka sevan kijiye.
- Matar ke dane danton se chabakar khane se danton aur masudhon ki suraksha hoti hai. matar ke chhilakon ko danton par ragadne se dant svachchh hote hain.
- Matar ka halva banakar khane se sardi-jukham se suraksha hoti hai.
- Matar ki sabji khane aur soup banakar pine se sharirik shakti ka vikas hota hai.
- Matar ke sevan se striyon ke breast me dudh ki matra vikasit hoti hai.
- Jaundice rogiyon ke liye matar ka soup bahut labhprad hota hai.
- Matar piskar sharir par malane se dhup ki teji va anya karan se jalan hone par rahat milati hai.
- Matar ki sabji ka sevan karane vali striyan menstrual ke avarodh ko dur kar sakati hain. isase menstrual niyamit hota hai.
- Matar ke danon ko piskar sharir par lep karane se physical beauty vikasit hota hai.
Matar ke nuksan
1. Pet ki samasya hone par matar ka sevan nahin karana chahiye.
2. Gas se pidit stri-purushon ko matar ka sevan nahin karna chahiye.
3. Adhik matar khane se bachchon me pet ki samasya utpan ho jati hai.
4. Arthritis se pidit stri-purushon ko rat ke samay matar ki sabji nahin khani chahiye.
5. Pathari (Calculus) se pidit logon ko matar ka sevan nahin karana chahiye.