Piles jise hum hindi me bawaseer kehte hain, iska ilaj agar sahi samay par nahi kiya gaya to bahut badi problem ho sakti hai.
Bawasir ke lakshan hindi me :
- Swelling (soojan) hota hai
- Mal (Porty) ke saath khoon aata hai
- Khujli ki bhi shikayat hoti hai
- Kabhi kabhi chakkar bhi aate hain.
Piles internal bhi ho sakta hai aur external bhi. Taklif dono awastha me hoti hai. Iss bimari ko theek karne ke liye Doctors operation ka sujhav dete hain, agar bawaseer ki bimari pehle hi pata chal jati hai to doctors dawai se hi ise mitane ki koshish karte hain.
Agar aap bavasir se pidit hai to aapke liye best hoga ki aap yeh gharelu nuskhe ko apnaye aur iss bimari se chutkara paye:-
Neem se fayda:
Piles hone par neem ka prayog bahut faydemand hai aapke liye. Aap neem ke beej ka powder bana le aur phir iss chilke ka powder ko desi ghee mein milaye aur goli banake roj khaaye. Wahin aap neem ke chilke ko paani mein bhi ubal sakte hain aur phir issme neem ke beej ka tel 2 ya 3 boond daalke subah mein piya kare.
Bawasir ke liye Nimbu-Katha hai best :
Katha powder ko nimbu ke ras me mila le aur roj sevan kare, aisa karne se aapko ek week mein hi rahat mehsoos hone lagega.
Dahi ka sevan roj kare :
Bawasir hone par aap roz afternoon me lunch ke waqt dahi khaye. Bass ek bada katora dahi aur aapko milegi badi rahat.
Bhuna jeera laabhdayak :
Ghar me jeera to maujud hota hi hai, aise me aap shakkar ke saath mila ke bhojan ke baad khaaye. Wahin jeera powder ka paste bhi aap bana sakte hain, iss paste ko aap bawaseer par lagaenge to taklif kam ho jaegi.
Kaala til bada faydemand :
Aap kaale til ko makhan aur gud ke saath pratah bana kar khaye, khoon girta hai to yeh band hoga.
Badi Elaichi ki goli bhi kamala kare :
Badi elaichi ko pehle chil le, ghee mila le aur phir churna bana kar honey ke saath mila ke choti-choti goli bana le. Ab iss goli ko roj din me 3-4 baar chooste rahe.
Kismish :
Roj raat me kismis ko bhinga kar chodd de, phir subah isko chaba ke khaye. Aisa karne se aapki piles khatam ho jaegi.