Protein, iron aur carbohydrates se bharpoor Kulthi ek tarah ki beans hai jisme paushtik tatvon ki bharmar hai. Isake istemal se chari ghatti hai aur vajan kam hota hai. Ismen maujood fiber apake blood pressure aur sugar ko control karne me sahayak hai. Yah na keval masik dharm ki samasyaon se nijat dilata hai balki samany bukhar aur sardi me bhi aram deta hai.
Kulthi teen pattiyon vala paudha hai jisaka upayog ayurvedic davayon me kiya jata hai. ise ham hindi me kulthi jabaki english me horse gram ke naam se jante hain. kulthi bharat me hajaron sal se ugai ja rahi hai. yah bharat ke jarie south east Asia aur Africa tak bhi gai.
Kulthi teen patiyon vala poudha hai. isake beejo me protein, carbohydrates paye jate hai. isake bijo ka isteman dal ke alava pashu ahar me kiya jata hai.
Kulthi ki daal ke fayde
- Kulthi ka kadha banakar sevan karane se vat ki samasya door hoti hai.
- Kulthi ka kadha banakar usamen kali mirch ka choorn milakar pine se gale ki samasya door hoti hai.
- Kulthi ke bijon ko ubalakar sabji banakar sevan karane se udar rogon ka nivaran hota hai.
- Kulthi ka kadha banakar usamen hing aur sonth ka chooran tatha thoda-sa namak milakar subah-sham sevan karane se pet dard me aram milata hai.
- Atisar ki samasya hone par kulthi ke taje, komal patton ka ras das gram maatra me lekar, usamen do gram kattha milakar din me do-tin bar sevan kijiye. atisar ki vikriti nasht hoti hai.
- kulthi ka kadha banakar, usako chhanakar usamen kali mirch ka choorn milakar pine se kuchh mahine me gale ke rog nasht hote hain.
- kulthi ka char mashe choorn muli ke do tole ras ke sath subah-sham sevan karane se kuchh saptah me pathari door hokar peshab ke sath nikal jati hai.
- Asthama hone par kulthi ko der tak pani me ubalakar usamen thoda-sa sendha namak aur haldi milakar rogi ko chhanakar pilane se bahut labh hota hai. ise din me tin se char bar pilana chahiye.
- Kulthi ke bij, pashanabhed aur gokharu ka kadha banakar subah-sham pine se kuchh saptah me pathari door hokar, peshab ke sath nishkasit hoti hai.
Kulthi ke khane se hani :
- Chikitsa visheshagyon ki mane to shvas aur kaph me kulthi ke sevan se labh hota hai lekin kisi shvas rogi ka kaph shushk ho jae to use kulthi ka sevan nahin karana chahiye, kyoki aisi sthiti me hani pahunchane ki adhik sambhavana rahati hai.
- Pregnancy me striyon ko kulthi ka sevan nahin karana chahiye.
- Jinhe phephade ya acidity sambandhit samasya hai unhen kulthi ka sevan nahin karana chahie.
